நண்பர்களே, தமிழுக்கு ஆட்சென்சு சேவை வந்து விட்ட செய்தி உங்கள் அனைவருக்கும் தெரியும் என நினைக்கிறேன். சரியாகக் கடந்த ஆண்டு பிப்ரவரி மாதம் 9ஆம் நாள் அந்த இனிய அறிவிப்பு வெளியிடப்பட்டது.
இதையொட்டி ஆண்டுதோறும் ‘கூகுள் பார் தமிழ்’ எனும் நிகழ்ச்சியை நடத்தி வருகிறது கூகுள் நிறுவனம். போன மாதம் 30ஆம் நாள் இது தொடர்பாக கூகுள் நிறுவனத்திலிருந்து கைலாஷ் என்பவர் எனக்கு மின்னஞ்சல் அனுப்பியிருந்தார். அதன் திரைச்சொட்டு (Screenshot) இதோ!
நண்பர்களே! ‘கூகுள் பார் தமிழ்’ என்பது இணையத்தில் தமிழ் ஆக்கங்களை ஊக்குவிக்கவும் மேம்படுத்தவும் அதன் மூலம் பொருள் ஈட்டவும் உதவுவதற்காக கூகுள் மேற்கொண்டுள்ள ஒரு சீரிய முயற்சி!
எங்கோ அமெரிக்காவில் உள்ள ஆங்கில நிறுவனம் ஒன்று தமிழுக்காக இப்படி ஒரு முயற்சியை மேற்கொண்டிருக்கும்பொழுது குறைந்தது அதில் கலந்து கொள்வதன் மூலமாவது அவர்களை ஆதரிக்க வேண்டியது நம் கடமை இல்லையா? அதனால்தான், இதோ இந்தப் பதிவு மூலம் உங்களுக்கும் இது குறித்துத் தெரிவிக்க விரும்புகிறேன்.
இது பற்றிக் கைலாஷ் அவர்களிடம் நான் பேசியில் சற்று முன் உரையாடியபொழுது, இதில் கூகுள் ஆட்சென்சு பயனர்கள் மட்டுமின்றி பிளாகர் மூலம் வலைப்பூவோ (blog) இணையத்தளமோ (website) தமிழில் நடத்தும் யார் வேண்டுமானாலும் கலந்து கொள்ளலாம் என்று தெரிவித்தார்.
எனவே வாய்ப்பிருக்கும் அனைவரும் தவறாமல் இந்த நிகழ்ச்சியில் கலந்து கொண்டு இந்தத் தமிழ்சால் முயற்சியை ஊக்குவிக்க வேண்டுகிறேன்.
நிகழ்ச்சியில் கலந்து கொள்ள முதலில் ஒரு படிவத்தைப் பூர்த்தி செய்து அனுப்பி வைக்க வேண்டும். படிவத்தின் இணைப்பு: https://forms.gle/MTMF4mSvqmTihUXc9
இவ்வாறு பதிவு செய்து கொண்டவர்களில் தேர்ந்தெடுக்கப்பட்ட 100 பேருக்கு அழைப்பிதழ் அனுப்பப்படும். அதன் பின் நிகழ்ச்சியில் கலந்து கொள்ளலாம்.
முக்கியமான செய்தி! மேற்கண்ட இணைப்பு இன்று வரை மட்டுமே செயல்படும்! எனவே உடனடியாகப் பதிவு செய்து கொள்ளுங்கள்! நிகழ்ச்சியில் கலந்து கொண்டு சிறப்பியுங்கள்!
இற்றைப்படுத்தல் (Update): மேற்கண்ட இணைப்பு தொடர்ந்து செயல்பட்டே வருகிறது. விரும்புபவர்கள் தொடர்ந்து பதிவு செய்யலாம்.
நண்பர்களே! ‘கூகுள் பார் தமிழ்’ என்பது இணையத்தில் தமிழ் ஆக்கங்களை ஊக்குவிக்கவும் மேம்படுத்தவும் அதன் மூலம் பொருள் ஈட்டவும் உதவுவதற்காக கூகுள் மேற்கொண்டுள்ள ஒரு சீரிய முயற்சி!
எங்கோ அமெரிக்காவில் உள்ள ஆங்கில நிறுவனம் ஒன்று தமிழுக்காக இப்படி ஒரு முயற்சியை மேற்கொண்டிருக்கும்பொழுது குறைந்தது அதில் கலந்து கொள்வதன் மூலமாவது அவர்களை ஆதரிக்க வேண்டியது நம் கடமை இல்லையா? அதனால்தான், இதோ இந்தப் பதிவு மூலம் உங்களுக்கும் இது குறித்துத் தெரிவிக்க விரும்புகிறேன்.
இது பற்றிக் கைலாஷ் அவர்களிடம் நான் பேசியில் சற்று முன் உரையாடியபொழுது, இதில் கூகுள் ஆட்சென்சு பயனர்கள் மட்டுமின்றி பிளாகர் மூலம் வலைப்பூவோ (blog) இணையத்தளமோ (website) தமிழில் நடத்தும் யார் வேண்டுமானாலும் கலந்து கொள்ளலாம் என்று தெரிவித்தார்.
எனவே வாய்ப்பிருக்கும் அனைவரும் தவறாமல் இந்த நிகழ்ச்சியில் கலந்து கொண்டு இந்தத் தமிழ்சால் முயற்சியை ஊக்குவிக்க வேண்டுகிறேன்.
நிகழ்ச்சியில் கலந்து கொள்ள முதலில் ஒரு படிவத்தைப் பூர்த்தி செய்து அனுப்பி வைக்க வேண்டும். படிவத்தின் இணைப்பு: https://forms.gle/MTMF4mSvqmTihUXc9
இவ்வாறு பதிவு செய்து கொண்டவர்களில் தேர்ந்தெடுக்கப்பட்ட 100 பேருக்கு அழைப்பிதழ் அனுப்பப்படும். அதன் பின் நிகழ்ச்சியில் கலந்து கொள்ளலாம்.
இற்றைப்படுத்தல் (Update): மேற்கண்ட இணைப்பு தொடர்ந்து செயல்பட்டே வருகிறது. விரும்புபவர்கள் தொடர்ந்து பதிவு செய்யலாம்.
❀ ❀ ❀ ❀ ❀
பதிவுகளை உடனுக்குடன் பெறக் கீழ்க்காணும் பொத்தானைச் சொடுக்கி
வாட்சாப் தடத்தில் (Whatsapp Channel) இணையுங்கள்!!
இடுகைகள்
திருமிகு முத்துநிலவன் ஐயாவின் தளத்திலேயும் அறிந்தேன்... நன்றி...
பதிலளிநீக்குநல்லது ஐயா, பதிவு செய்து விட்டீர்களா? உங்களுக்கு வாட்சப்பு மூலமும் அனுப்பியிருந்தேன். யார் கலந்து கொள்ளாவிட்டாலும் நீங்களும் முத்துநிலவன் ஐயாவும் இந்த நிகழ்ச்சியில் கலந்து கொள்வது மிக முக்கியமானது எனக் கருதுகிறேன். நீங்கள் இருவரும் கலந்து கொண்டால் பதிவுலகமே கலந்து கொண்டது போலத்தான்.
நீக்குநல்ல தகவல். நன்றி.
பதிலளிநீக்குமகிழ்ச்சி ஐயா! பதிவு செய்து விட்டீர்களா?
நீக்குஏற்கனவே சென்னையிலும் கோவையிலும் நடைபெற்ற நிகழ்வுகளுக்கு IndiBlogger மூலம் எனக்கு அழைப்பு வந்தது. சென்னைக்கான அழைப்பு தாமதமாக வந்ததால் கலந்துகொள்ள இயலவில்லை.
பதிலளிநீக்குகோவை நிகழ்வுக்கான அழைப்பு உரிய தேதியில் கிடைத்தது. Alexa Rank, Indi Blogger போன்றவற்றின் தரவரிசையில் முன்னணியில் இருந்த என் வலைப்பக்கம்[இப்போது முடக்கியுள்ளேன்] தேர்வாகவில்லை. அண்மையில், புதிய தளம் தொடங்கி 17 பதிவுகள் மட்டுமே எழுதியுள்ளேன். இதுவும் தேர்வுசெய்யப்படுவதற்கு வாய்ப்பில்லை.
விளம்பரங்கள் பெறுவதற்கான தகுதிகள் எவை என்பது தெளிவாக வரையறுக்கப்பட்டால் நல்லது.
இப்போதைய அறிவிப்பும் வரவேற்கத்தக்கதே. வாய்ப்புள்ளவர்கள் கலந்துகொண்டு சிறப்பிக்கலாம்.
நன்றி
தங்கள் விரிவான கருத்துக்கு மிக்க நன்றி நண்பரே!
நீக்குவிளம்பரம் பெறுவதற்கான தகுதிகள் மற்றும் இன்ன பிற விவரங்கள் குறித்து நம் ‘பிளாக்கர் நண்பன்’ அப்துல் பாசித் அவர்கள் நன்றாக எழுதியுள்ளார். பாருங்களேன்! இதோ இணைப்பு - https://www.bloggernanban.com/2018/02/adsense-for-tamil-blogs-sites.html
தங்கள் முதல் வருகை கண்டு மிக்க மகிழ்ச்சி! தொடர்ந்து படியுங்கள்! உங்கள் செம்மையான கருத்துக்களைப் பதியுங்கள்!
நன்றி தோழரே
பதிலளிநீக்குபதிவு செய்துவிட்டேன்
மிக்க மகிழ்ச்சி! அடுத்த தடவையிலிருந்து தங்கள் மேலான கருத்துக்களைப் பெயருடன் பதிந்தால் இன்னும் மகிழ்வேன்.
நீக்குஅன்பர்கள் அனைவருக்கும், இற்றைப்படுத்தப்பட்ட (Updated News) ஒரு செய்தி! Google for தமிழ் நிகழ்ச்சியில் கலந்து கொள்வதற்காகப் பதிவு செய்து கொள்ள மேலே கட்டுரையில் நான் தந்திருந்த இணைப்பு நேற்று வரை மட்டுமே செயல்படும் என்று குறிப்பிட்டிருந்தேன் (அப்படித்தான் எனக்குச் சொல்லப்பட்டது). ஆனால் இல்லை; இன்றும் அது தொடர்ந்து செயல்படவே செய்கிறது. எனவே பதிவு செய்யத் தவறிய அனைவரும் உடனே செய்து விடுமாறு கேட்டுக் கொள்கிறேன்!
பதிலளிநீக்குமகிழ்வான தகவல்
பதிலளிநீக்குநன்றி ஐயா
இற்றைத் தகவலை யாரும் பார்க்க மாட்டார்கள் என்று நினைத்தேன். பார்த்து மறுமொழியும் அளித்தமைக்கு மிக்க நன்றி ஐயா!
நீக்குசுடச் சுடப் பகிர்ந்த நற்செய்தி
பதிலளிநீக்குபாராட்டுகள்
நிகழ்வில் பங்கெடுப்போருக்கு வாழ்த்துகள்
மிக்க நன்றி ஐயா! என்றைக்காவது சென்னைக்கு வந்தால் கட்டாயம் என்னை வந்து சந்திக்க வேண்டுகிறேன்! என் எண் உங்களிடம் இருக்கிறதே!
நீக்குசகோ நல்ல தகவல். அன்றே நீங்கள் சொன்னதாலும், என்னால் கலந்து கொள்ள முடியாது என்பதாலும் வரவில்லை.
பதிலளிநீக்குநாங்கள் இன்னும் முடிவுசெய்யவில்லை அதனால் பதிவு செய்யவில்லை சகோ.
கீதா
ஆகட்டும் சகோ! ஆனால் விரைவில் நீங்கள் ஆட்சென்ஸ் கணக்கில் இணைய வேண்டுகிறேன். நீங்கள் இணைந்தால் உங்களைப் பார்த்துப் பலரும் இணைவார்கள். மற்றபடி இதில் இணைய வேண்டிய தேவை என்ன என்பது தாங்கள் அறிந்ததே! இருந்தாலும் நாம் தனிப்படப் பேசியதை இங்கு பொதுவிலும் சொல்லி வைக்கிறேன்.
நீக்குநம்மில் பலர் வலைப்பூ மூலம் பணம் ஈட்டுவதில் ஆர்வம் இல்லாததால் ஆட்சென்சில் இணையாமல் இருக்கிறார்கள். அவர்களுக்குப் பணத்தின் மீது ஆர்வம் இல்லாமல் இருக்கலாம். அது பாராட்டுக்குரியதுதான். ஆனால் ஆட்சென்சு என்பது தமிழுக்குக் கிடைத்திருக்கும் ஒரு பெரிய ஏற்பிசைவு (recognition). இணையம் எனும் புதிய தலைமுறை ஊடகத்தில் தமிழ் மொழிக்கு இருக்கும் சந்தை மதிப்பை இது காட்டுகிறது. எனவே நமக்குப் பணம் வேண்டுமோ வேண்டாவோ, அதைப் பற்றிக் கவலைப்படாமல் அனைவரும் இதில் இணைவதன் மூலம் தமிழுக்குக் கிடைத்திருக்கும் இந்தப் புதிய ஏற்பிசைவை வரவேற்க வேண்டும். அப்படி நாம் செய்யாமல், பயன்படுத்த யாரும் முன்வராத காரணத்தால் இந்தச் சேவை நிறுத்தப்பட்டால் அது தமிழர்களான நமக்குத்தான் பெரும் தலைக்குனிவு என்பதை நம்மவர்கள் உணர வேண்டும்.
உங்கள் கருத்துக்கு நன்றி சகோ!