 |
| ஈழத் தமிழர்கள் மீதான தாக்குதல் குற்றச்சாட்டுக் குறித்துப் பொதுநலவாய நாடுகளின் நீதிபதிகளோடு இணைந்து இலங்கையே விசாரித்தால் போதும்! - ஐ.நா-வில் தீர்மானம் |
உலகின் பிற நாடுகளில்
சொந்த நாட்டு மக்கள் மீது
அந்த நாடே இராணுவம் ஏவினால்
அதற்குப் பெயர் ‘இனப்படுகொலை’!
ஆனால்,
அதுவே எங்களுக்கு நடந்தால்
அதன் பெயர்
தீவிரவாத ஒழிப்பு...
தாக்குதல்...
போர்...
ஏனெனில் நாங்கள் தமிழர்கள்!
மற்ற நாடுகளில்
சிறுபான்மையினர்
உரிமையோடு வாழ முடியாவிட்டாலே
தனிநாட்டுக்கான பொது வாக்கெடுப்பு நடத்தலாம்;
அதுவே நாங்களாக இருந்தால்
உயிரோடே வாழ முடியாவிட்டாலும்
ஒற்றையாட்சிக்குள்தான்
ஒடுங்கிக் கிடக்க வேண்டும்!
ஏனெனில் நாங்கள் தமிழர்கள்!
மற்ற இனங்கள் மீது
இனப்படுகொலை நிகழ்த்தப்பட்டால்
பன்னாட்டு விசாரணை தேவை;
அதுவே எங்கள் மீது எனில்
எங்களைக் கொன்றொழித்தவனே
விசாரித்தால் போதும்!
ஏனெனில் நாங்கள் தமிழர்கள்!
இப்படி
உலகுக்கெல்லாம் ஒரு நீதியும்
எங்களுக்கு மட்டும் தனிநீதியும்
வழங்கும்
மனித உரிமை மீட்பர்களே!
மக்களாட்சிக் காவலர்களே!
இந்தப் பெயர்களில் உலா வரும்
உலக நாடுகளே!
ஒன்றே ஒன்றை மட்டும்
மறந்து விடாதீர்கள்!
இந்த உலகம் மட்டுமில்லை
இதில் வாழும் மனிதர்கள் மட்டுமில்லை
இதிலுள்ள நாடுகளுக்கும் கூட
ஏற்ற இறக்கம் என்பதுண்டு!
அதற்கு எடுத்துக்காட்டே நாங்கள்தாம்!
ஒரு காலத்தில்
இந்த உலகையே
கட்டி ஆண்டவர்கள் நாங்கள்!
கையகல நிலத்தை
நாடென வைத்துக் கொண்டு
ஆட்டம் போடுபவர்களே!
கண்டங்களையே நாடுகளாய்
வைத்துக் கொண்டு
பேராட்சி புரிந்தவர்கள் நாங்கள்!
ஓரிரு நாடுகளை
விரலசைவில் வைத்துக் கொண்டு
கொட்டம் அடிப்பவர்களே!
உலகையே ஒருகுடைக்கீழ்க்
கொண்டு வந்து
கொற்றம் வீற்றிருந்தவர்கள் நாங்கள்!
இந்த பூமித்தாயின் மடியில்
முதலில் தவழ்ந்தவர்கள் நாங்கள்!
ஆனால் இன்று,
நேற்றுப் பிறந்த உங்களிடம்
கையேந்தி நிற்கிறோம்
உங்கள் வாயிலிருந்து உதிர்க்க வேண்டிய
ஒரே ஒரு வார்த்தைக்காய்!
நிலை மாறும் உலகில்
நிலைக்கும் என்ற கனவில்
மிதப்பவர்களே!
காலம் ஒருநாள் மாறும்!
பூனைகளுக்கே காலம் வரும்பொழுது
புலிகளுக்கு வராமலா போகும்?
ஆனால்,
அப்பொழுது
உங்கள் நிலைமை
என்னவாக இருக்கும்?
தெரியாது!
அது எப்படி இருந்தாலும் சரி,
இன்று
நீங்கள் எல்லாரும்
எங்களிடம் நடந்து கொண்டது போல்
நாங்கள் அப்பொழுது
உங்களிடம் நடந்து கொள்ள மாட்டோம்!
இவை எதையுமே நாங்கள்
மனதில் கொள்ளவும் மாட்டோம்!
ஏனெனில் நாங்கள் தமிழர்கள்!
❀
❀ ❀ ❀ ❀
படங்கள்: நன்றி லங்கா ரைம், யூடியூபு, சத்தியசீலன்.நெட்,
பதிவின் கருத்து சரி எனத் தோன்றினால் கீழ்க்காணும் வாக்குப்பட்டைகள் மூலம் மற்றவர்களுடனும் பகிர்ந்து கொள்ளுங்களேன்! கூடவே, உங்கள் செம்மையான கருத்துக்களுக்கும் காத்திருக்கிறேன்! தமிழில் எழுத வசதியில்லாவிட்டால் இருக்கவே இருக்கிறது கீழே 'தமிழ்ப் பலகை'! தனிப்பட ஏதும் தெரிவிக்க விரும்பினால், அதற்கு அடுத்து உள்ள 'அணுக' படிவத்தைப் பயன்படுத்தலாம்!
பதிவுகளை உடனுக்குடன் பெறக் கீழ்க்காணும் பொத்தானைச் சொடுக்கி
வாட்சாப் தடத்தில் (Whatsapp Channel) இணையுங்கள்!!
இடுகைகள்
.jpg)
ஆம் நாம் தமிழர்கள்...
பதிலளிநீக்குஉங்கள் ஒத்திசைவான கருத்துக்கு மிக்க நன்றி அம்மணி!
நீக்குஐயா வணக்கம்..!
பதிலளிநீக்குஅலங்காரமற்ற வார்த்தைகளில் அவலமும் ஆண்மையும் பொறுத்தலாற்றாமையும் பெருமிதமும் நிறைந்து வடிகின்ற கவிதை.
மனம் தொடுகிறது.
இன்னும் எழுதுங்கள்.
காத்திருக்கிறேன்.
நன்றி.
ஐயா! தங்கள் விரிவான உளமார்ந்த பாராட்டுக்கும் ஊக்குவிப்புக்கும் மிக்க நன்றி!
நீக்குநன்றி! வணக்கம்
நீக்குஅய்யா அருமையான ஆழ் மனத்தின் வெளிப்பாடு ....
http://pleasureinsharing.blogspot.com/2015/10/blog-post_30.html
நீக்குமிக்க நன்றி ஐயா! உங்கள் முதல் வருகைக்கு என் அன்பார்ந்த நல்வரவு!
நீக்குஏன? என்றால்..... கல தோன்றா மண் தோன்றா காலத்தே தோன்றிய நாம் தமிழர்கள்............
பதிலளிநீக்குஉங்கள் ஒத்திசைவான கருத்துக்கு மிக்க நன்றி ஐயா!
நீக்குஅட! அருமையான உள ஒலிகளின், உணர்வுகளின் எழுத்துவடிவம்! ஆம்! நாம் தமிழர்கள்தாம்! அருமையான வெளிப்பாடு நண்பரே!
பதிலளிநீக்குபயணத்தில் இருந்ததால் விடுபட்டது போலும்.
உங்கள் இனிமையான பாராட்டுக்கும் ஒத்திசைவான கருத்துக்கும் மிக்க நன்றி ஐயா, அம்மணி!
நீக்கு